ياشين احراجات البزران

--------------------------------------------------------------------------------

هلااااا بالطش والرش والبيض المفقش >>دايما جدتي تقولي اياها

سلااام لأحلى اعضاء

والخايسين يطلعون >> ماعرف أكمل المدح هع

طيب طبعا متعودين على بياختي في المقدمه فندخل في الموضوع

يا شــــــــــــــــــــــــــــــــين البراءه احيانا

موضوع عجبني ونقلته لكم وعساة يعجبكم وحتى لو ماعجبكم ردو

الاطفال الورعان البزران بجميع اللهجات اختر منها مايعجبك

الأطفال أحباب الله ... كلام سليم

بس أحيانا ودك تكفخهم من المواقف اللي يحطوك فيها..

* الكلام على لسان الأمهات ...

تقول وحده من الامهات ..

( كنت معزومة على حفل عشاء فأخذت ابنتي الصغيرة معي
فلما جلسنا حول البوفيه ظنت انه مطعم وقالت بصوت عال هذا
الأكل بفلوس والا ببلاش فضحكوا عليها الحاضرات..)

والثانية ...

( جانا ضيوف وجابوا معهم هديه للمولود الجديد فكان ابني يريد
فتحها فقلت له ( اصبر حتى يذهبوا ) صار يدخل ويطلع ولما مل الولد
من الانتظار دخل وقال بصوت مرتفع ...
(خلاص أبفتحها شكلهم بينامون عندنا )

وقالت وحده بعد ...

( ذهبنا في زيارة لعمات زوجي وحده منهم كبيره في السن قلت لولدي
حب راسها فرفض وقال ( ريحة راسها شينه ) يقصد الحناء شوفوا
الإحراج اللي صار لي )

كما قالت أخرى...

( جتني وحده من صديقاتي وكانت ملامحها تشبه دول شرق أسيا
فجلست بنتي تطالعها بقوه لما قلت لها عيب ردت وقالت ( شكلها
شغالة ) )

هذه من جد يبغالها بالشنطه على راسها..

( اخذت من اختي شنطه ورحنا لحفله ومعنا بنت اختي ولما وصلنا
وخلعت عبايتي حتى شافت الشنطه وقامت تسحبها بقوة
وهي تقول ( حقت ماما هاتيها ) وانا احاول اسكتها )

واللي بعدها
تقول كنا قاعدين انا وزوجي و ثلاثة من اخوانه الكبار فزوجي من كثر ماهو متحمس بالسوالف رافع ثوبه ومبينه سيقانه فقال له ولده..........بابا انت لابس مثل ماما لما تكون في الشقة فوق عندنا!!!!!!!!!!

وتعالي شوفي وجهها المسكينة شلون صار قدامهم

وآخر وحده تقول ..

( زوجي كان عنده ضيوف على العشاء وحطيت العشاء كله لهم
وكان ولدي يبي يتعشى قلت له: اذا خلصوا الرجال بنتعشى..
رحت اصلح لهم الشاهي ...وهو دخل على الضيوف وقال لهم
( لا تخلصون العشاء لانا بنتعشى أنا وأمي بعدكم )
شوفوا وجه ابوه وقتها )

لاتنسووون الرودووود

ولا قبل ما اخلص بقولكم موقف صار لي مع أخوي الصغير

أنا اتفرج على كرتون((الجاسوسات)) في ام بي سي 3 المهم جو عندنا ناس موب مره قريبين مننا>>فأحاول قدر الأمكان أخفف من رجتي وخبالتي هع
فأنا أول مره ما اصير رجه سرت هااديه وكل الحيا نازل علي والأحترام لا والمشكله أنا وخشتي هم قاعدين يقولون البزران وام بي سي 3 وانا معهم اتمصخر >>ومن داخل شابه نار هع
عاد جا الجاسوسات الا واخوي يقوول يا((خلوودي)) هذا الكرتون الي تتابعينه جاسوسات وانا اغمز شوي بتطيح عيوني بس ما يفهم ويقوول شفيك انتي دايما اذا بدا تجين تتفرجين عليه هو وبعده الكرتون المصري ((تيمي تيرنر)) طبعا انا ما دري وين أودي وجهي قعدت اصرف اقول ايوا وكيف حالكم وايش اخباركم >> يقطع التصرريفه بس
طبعا من بعدها سار كل كرتون اتابعه ما اخلي اخوي الفضيحه يتفرج معي

وبس...

منقوول للامانه
lol!

انتظر ردووودكم